منتديات الــولــهـــان

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


منتديات الــولــهـــان

منتديات الــولــهــان
 
الرئيسيةالبوابةاليوميةس .و .جالأعضاءالمجموعاتالتسجيلدخول

شاطر | 
 

 قــــــــــــــصه شـــــعبـــــيه [ من التراث ]

اذهب الى الأسفل 
كاتب الموضوعرسالة
المحــــــــروم

avatar

عدد المساهمات : 8
نقاط : 18
السٌّمعَة : 0
تاريخ التسجيل : 20/10/2009

مُساهمةموضوع: قــــــــــــــصه شـــــعبـــــيه [ من التراث ]   الثلاثاء أكتوبر 20, 2009 7:22 am

بسم الله الرحمن الرحيم

السلام عليكم ورحمة الله وبركاته

فيه زوجين يحبون بعض ... بس لايخلو الامر من هواش ومزاعل وضيقة خلق .. ومره كبرت الهوشه وزعلت المره وضفت عفشها وراحت بيت أهلها ..... بس الحريم لازعلوا ماعندهم الا ضف العفش ))

طبعا الرجال كبرت في راسه وشلون تطلع من بيتي .... وحلف مايرجعها ... ولا يطلقها ... يعني بالعربي بيخليها تعفن في بيت أهلها (( بعض الرجال يكابرون .. يحبها بس زعلان ))

.....المره قعدت في بيت أهلها تحتري زوجها يجي يراضيها وهو مطنشها ... يوم يومين ... اسبوع اسبوعين .... طبعا الزوجه تموت فيه وقامت تفكر وش الحل .. (( هنا يجي الكيد اللي بصالح الزوجه )))

وبالاخير ضفت عفشها من بيت أهلها وراحت للنخل اللي يشتغل فيه زوجها والا معلق ثوره عشان يحرك الساقيه ويسقي الزرع ....وش سوت الحرمه ؟؟؟

تعلقت بذنب الثور وقامت تقول ( هدني ياابو ذنب صاحبك مايهوانيا ))) <----كتبتها عمدا لانها تنطق بهذه الطريقه
ورد الزوج عليها وهو يضحك جرها ياابو ذنب للحاويه التانيا ))) يعني بالعربي خليها ترجع بيتها

ورجعت الزوجه الذكيه لبيتها .... وماكسر الزوج الحلف




القصه الثانيه .....


في اثنين توهم متزوجين ... يعني معاريس بشهر العسل ... ويوم كانت المره تطبخ الغدا دخل الزوج مبسوووووط ومحد قده .... وتساله الزوجه وشفيك ... قال ذبحت الفار اللي بالحوش اللي كان يضايقنا .. ضحكت العروس باستهزاء ... وقالت يعني الحين يقالك ذابح أسد ... راس ماله فار ))) <----دليل على قل الدبره

زعل الزوج وقالها ضفي عفشك وروحي لبيت أهلك ... وبكره بارسل لك ورقتك <--- الرجال اللي عقولهم صغيره

راحت البنت تصيح لأمها ... وقالت لها السالفه .. طبعا الام سنعه .. هاوشتها وقالت لها مو بالطريقه هذي تتكلمين مع زوجك ... عيب ... تعالي معي واعلمك وشلون تنفخينه <----- الظاهر قربه الاخ مو زوج

لبست الأم عباتها وجرجرت بنتها وراها ... ويوم أقبلت الا زوج بنتها عند الباب وتهتف بفخر (( من ذبح شيخ الفلنزا ... من قدر يقوي عليه ؟؟؟؟؟

رد الزوج بكل فخر (( شيخ العرب زوج بنتك يوم فتل شاربيه ))

وضحكت الام وقالت لبنتها أجل أدخلي يابنتي عند زوجك شيخ العرب .... ورجعت العروس لزوجها بكل بساطه والزوج نسى الموضوع مع النفخه اللي نفختها أم الزوجه




هذا اللي عندي الحين ..... ان شاء الله تعجبكم ... والبقيه بالطريق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قــــــــــــــصه شـــــعبـــــيه [ من التراث ]
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الــولــهـــان :: المنتدى العام :: المنتدى الشعبي لأهل البل والمقناص وعشاق الرحلات البريّة-
انتقل الى: